Monday, September 22, 2008

Verblyf in Brisbane.

'n Paartjie in ons gemeente (Mark & Susan Baylis) het 'n gastekamer wat idiaal is vir besoekers aan Brisbane. Ek't hulle gevra om 'n skrywe vir my te stuur sodat ons hulle kan bekendstel aan meer mense. Lees meer daaroor hieronder en onthou asb. om hulle 'aan te beveel' vir kennise wat Brisbane wil kom besoek.




Groetnis




Joe & Cecile


********************************************************************






Liewe Joe & Cecile

Soos julle weet het die Here vir my ‘n gawe gegee om mense te help en ek het nou ‘n geleentheid om dit op ‘n meer praktiese manier te doen.

Toe ons 4 jaar terug ons huis gekoop het, het ons besluit ons moet ‘n plek kry wat ruim genoeg is sodat wanneer ons familie kom kuier, ons hulle ten minste nie in ‘n klein hoekie hoef in te druk nie.

Ongelukkig het Ouma en Oupa nog net 2 keer kom kuier en die gastekamer staan en stof vergader.

Ons het nou besluit om dit beskikbaar te maak aan nuwe aankomelinge of mense wat vir ‘n kort tydperk Brisbane toe kom om te kom kyk of hulle hiernatoe wil trek.

Ons webtuiste is http://www.downunderwebdesigns.com.au/index.php?option=com_content&view=article&id=5&Itemid=2

Groete

Mark & Susan Baylis


Friday, August 15, 2008

Lente Piekniek


Hi almal.



Ons wil julle hartlik uitnooi na ons Lente Piekniek vir Oud Suid Afrikaners. Dis 'n geleentheid om bymekaar te kom, lekker te kan kuier in Afrikaans (of Engels) en nuwe vriende te ontmoet. Voel asb. vry om kennise uit te nooi wat ook in die area bly, veral mense wat nuut hier in Brisbane aangekom het en nog hul voete moet vind. Ons weet almal hoe baie dit help om mense te ontmoet wat weet wat dit is om die emmigrasie proses deur te maak.

Nou vir die "details:"
Datum: Sondag, 7 Sept.
Waar: Sweeney's Reserve, Petrie
Tyd: Ongeveer 11.30 AM ~ (Dit gee ons kans om die oggend kerk-diens by te woon.)


Bring asb jou eie eet en drinkgoed, asook 'n stoel om op te sit.

Hoop om julle daar te sien.

Blessings

Joe & Cecile

Monday, July 28, 2008

Suid Afrikaanse Produkte


As jul soos ek elke nou en dan 'n behoefte kry aan eg Suid Afrikaanse produkte, soos "biltong" ens, dan wil ek jul voorstel aan http://www.oziwa.com.au/shop/


Dis 'n nuwe "online" winkel met vars ZA produkte. Dit word beman deur Marius vdMerwe & Leon Marx, altwee manne van ons gemeente. Aflewerings word gedoen / gereël.
Gaan kyk gerus.

Tot later

Joe

Thursday, July 17, 2008

"Happy Endings."

Gereeld hoor ons van sukses verhale rakende die Immigrasie proses. Maar nie elke storie het 'n "happy ending" nie.
Net gister aand hoor ek van 'n familie wie se aansoek vir Immigrasie na Australia afgekeur is. Dit nadat alles so goed gelyk het, dat dit amper 'n uitgemaakte saak was dat hul kon oorkom hiernatoe. Alles het goed verloop, tot 'n week voor die vetrek datum. Hul het die slegte nuus gekry dat hul aansoek afkeur is.
Wat nou? Dis tye soos hierdie dat mens biddend soek na dringende hulp.

'n Paar weke terug stel iemand na die oggend diens 'n besoekende paartjie van Suid Afrika aan my voor. Hulle was op 'n tydelike besoek hier in Australië om werk te kry. Na 'n rukkie se kuier het ek gedink "ons moet hierdie mense help." Dit het op die lappe gekom dat hul Immigrasie Agent hul as't ware mislei het. Nog 'n geval van 'n agent wat baie geld maak uit mense uit, maar nie 'n goeie diens gelewer het nie.
Hoe help mens sulke mense?

Ek't het my pa op die foon gekry en sy raad gevra. Hoekom my pa? Want hulle het self 'n stel (eintlik twee) afgetrap met immigrasie agente wat alles belowe, jou geld vat, en dan nie 'n werklike diens lewer nie.
My pa het eindelik (na baie geswoeg met hul vorige agent) by iemand reggekom wat hulle daadwerklik gehelp het om onder streng riglyne hul Permanente Residensie te bekom. En Pa Piet het haar as "baie vriendelik, betroubaar en bekostigbaar" beskryf. "Sy's van Griekse afkoms, maar het in Suid Afrika groot geword. So sy ken ons omstandighede."
Haar naam is Athina, en sy's gebaseer hier in Brisbane, Australië.

Ek ken haar nie persoonlik nie, maar dit klink vir my sy's een van daardie mense wat hoog aanbeveel word as dit kom by immigrasie.

My pa het vir my 'n foto van haar besigheids kaart ge-email. (sien hieronder) Daar's ook 'n "link" op regterkant na die maatskappy waar sy werk.

Ek kan niks waarborg rondom haar nie, en daar is sekerlik baie ander immigrasie agente wat ook goed in hul werk is. Maar dit weet ek verseker: as ons van iemand weet wat aanbeveelbaar is, betroubaar is, en resultate kan lewer, dan moet ons dit deel met mekaar. Mense se lewens en die toekoms van hul kinders hang daarvan af.

So ek hoop hierdie is 'n skrywe wat baie mense nog gaan help.

Onthou om "Subskripsie - Posts" te "klick" aan die regterkant as jul op hoogte wil bly met nuwe informaise wat ons op ons Blog gaan plaas.

Tot later

Joe en Cecile



Sunday, July 6, 2008

Christen Kerk van Australië - Gold Coast




Ek was op verlof gewees dié week. En dit gee my as predikant die geleentheid om bietjie te gaan kuier by ander gemeentes. So het ek en Cecile, asook Jacques en Angela Pretorius met hul kinders besluit ons gaan inloer by die nuut gestigte Afrikaanse Gemeente op die "Gold Coast" te Coolibah Downs.

Oppad soontoe vra my vrou vir my "wanneer laas was ons by 'n Afrikaanse Diens gewees?" Ons het besef dit was amper 6 jaar laas. So dit sou nou 'n stukkie nostalgie vir ons wees.

Daar aangekom, vind ons toe 'n pragtige kerkie, met baie vriendelike mense. Ds. Danie Venter het die erediens behartig en gepraat oor God wat in ons en deur ons wil werk. Ons het ook 'n paar bekende gesange gesing wat baie goed begelei was deur 'n talentvolle klavierspeler.
Na die diens het ons lekker gekuier oor 'n koppie koffie (en ook 'n paar bekende gesigte raak geloop.) Ons is eindelik daar weg met die gevoel dat ons nuwe vriende gemaak het.

Jul kan hier klik om te kyk na hul webwerf. http://www.ackagc.org
As jul van iemand weet wat in daardie omgewing bly, beveel hulle gerus aan om te gaan kuier by dié gemeente.
Oor een ding is ek seker. Daar is duisende Suid-Afrikaners wat die land in stroom. Dit is meestal mense wat uit 'n kerk agtergrond kom en dan ook hier probeer 'n kerk tuiste vind. Daar is wel gemeentes wat Suid Afrikaners hartelik ontvang. Maar wat van die areas waar integrasie nie plaasvind nie, en mense sukkel om aan te pas by bestaande gemeentes? Dan dink ek Ds. Danie Venter en sy nuwe gemeente het so pas vir ons 'n voorbeeld gestel. As duisende Afrikaners oor die volgende 10 jaar gaan bly stroom na Australië toe, dan moet ons bid dat God sal help dat daar geestelike tuistes vir hulle geskep sal word. En waar daar reeds bestaande tuistes is, moet ons dit maklik maak vir mense om hulle pad te vind na sulke kerke toe. Juis daaroor moet ons hande vat en 'n Netwerk bou van bestaande en nuwes gemeentes.

Ek het so drukkende gevoel in my binneste - hier is groot werk wat vir ons voorlê.

In Sy diens

Joe

Saturday, June 28, 2008

Piekniek 29 Julie '08





Sondag, 29 Julie, het so ongeveer 65 Oud Suid-Afrikaners (kinders ingesluit) bymekaar gekom by Sweeney's Reserve, Petrie. Sommer vinnig het dit 'n baie gesellige geleentheid geword. Ons dink almal sal saamstem dat dié Piekniek plek 'n wenner is. Daar's lekker skaduwee bome en baie speelplek vir die kinders. Die gedagte agter die piekniek was om oud Suid Afrikaners 'n kuier geleentheid te gee. En dis lekker om weer uur lange gesprekke in Afrikaans te kon voer. Gereeld hoor ons hier bly so baie Afrikaanse gesinne (en Engelse Suid Afrikaners) in die Noordelike Woonbuurte, maar ons kry nie altyd die geleentheid om bymekaar te kom nie.
Ons kerk (Bray Park Community Church http://www.bpcc.com.au ) het huidiglik 46 Suid Afrikaanse gesinne wat daar aanbid. Ons (Joe en Cecile Vermeulen) is al amper 6 jaar een v d Predikant's pare in die gemeente. Die kerk is 'n goeie plek om vriendskappe te bou en om geestelik gevoed te word. Ons sal meer "bymekaar-kom" datums op ons blog lys. Onthou asb dat dié geleenthede nie slegs vir ons kerk se mense is nie, maar vir enige oud Suid Afrikaners, asook hul vriende en familie wat hier kuier.

Groetnis
Joe en Cecile